বিকি ,নিকি এন্ড মি

অনেষ্ট মেন আৰ স্ক্ৰুড ফাৰ্ষ্ট । মই তেনেকুৱাই এজন অনেষ্ট মেন । দীৰুদা অহা সপ্তাহত ডেৰাডুন যাব, ট্ৰেইনিঙত । কম্পিউটাৰত টুৰ প্ৰগ্ৰাম বনাব লাগে । মোক ফচাই দিলে ।

অফিচৰ কম্পিউটাৰত দীৰুদাৰ টুৰ প্ৰগ্ৰাম বনাই আছো..... ডেট, টাইম, টিকট নাম্বাৰ, হোটেলৰ নাম ভৰাই আছো........
ফোন এটা আহিল । আননউন নাম্বাৰ । ৰিচিভ কৰিলো ।

সিফালৰপৰা কোনোবাই তামাম দম-ভাবুকি-গালি দিয়া ষ্টাৰ্ট কৰিলে, মাজে মাজে নিকি নিকি শুনা পালো, মাতৃভাষা-পিতৃভাষাৰ জোৱাৰ
ৰং নাম্বাৰ বুলি কৈ ফোনটো কাটি দিলো । অতীতৰ ফ্লেচবেকত বিচাৰিলো, নাই ওহো মনত পৰা নাই, কোনোবা নিকিৰ পৰা পইচা ধাৰে লৈ ঘুৰাই দিবলৈ পাহৰিলো নেকি, নাই, স্কুল-কলেজ-ইউনিভাৰচিটিত কাৰোবাক বেয়াকৈ ৰেগিং কৰিছিলো নেকি, নাই, মাৰপিট,ইভটিজিং, আদামচিজিং, ওহো, অতীতৰ হাৰ্ডডিস্কৰ কেইবাবাৰো স্কেন কৰিলো, নাই নিকি নামৰ কোনো লৰা বা ছোৱালীৰ ডাটা চেক্টৰ নাপালো...... ৰং নাম্বাৰেই হৱ

আকৌ টুৰ প্ৰগ্ৰামত মন দিলো
কিছু সময় পাছত..... আকৌ ফোন, চেম নাম্বাৰ, ৰিচিভ কৰিলো
- আপুনি অমুক নহয় জানো, অমুকত কাম কৰে
মই হয় বুলি কলো

লগে লগে সিফালৰপৰা মাতৃভাষা-পিতৃভাষাৰ জোৱাৰ উঠিল, মাজে মাজে নিকি নিকি
ধৈৰ্যৰ এটা সীমা থাকে, অফিচ ৰুমৰপৰা ওলালো আৰু তাক মোৰো কপিৰাইট থকা ভাষা কেইটামান শুনাই দিলো । আৰু যদি মোক ফোন কৰ, তোক পুৰা ক্লীন কৰি দিম, বাপেৰক চিনি পোৱা নাই , চাল্লা ইশান্ত শৰ্মাৰ পোৱালি....বিনয় কুমাৰৰ জাত...

তাক দম-চম দি অফিচ ৰুমত সোমালো । দীৰুদাই সুধিলে .......... কি হল
দীৰুদাক কেচটো কলো......... দীৰুদাই কলে....... সি তোক দম দিয়ে, তাক স্ক্ৰুড কৰি দিও ৰহ

দীৰুদাই অফিচৰ লেন্ডলাইনৰপৰা নাম্বাৰটোলৈ ফোন কৰিলে
- হেলো, মই শিৱসাগৰ পুলিচ থানাৰপৰা কৈছো, এইটো নম্বৰত কমপ্লেইন আহিছে, এক্সটৰচনৰ, কাৰ নাম্বাৰ এইটো
পুলিচৰ নাম শুনি সিফালে থকা হিৰোটো কমন মেন হৈ পৰিল
- কমপ্লেন , ক-ক-কোনে, দ-দিছে
- অলপ আগেতে কাৰোবাক ফোন কৰি দম-চম দিছিলি নেকি, মিট-মাট কৰি ল, এফ.আই.আৰ লৈ ললে কিন্ত তোৰ দিগদাৰ আছে

ফোনটো থৈ দীৰুদাই স্মাইল এটা দিলে........ স্ক্ৰুড কৰি দিলো মক্কেলটোক

ভৱামতেই আকৌ ফোন এটা আহিল
- ছৰি দাদা, ভুল হৈ গল, মাফ কৰি দিয়ক... সিফালৰপৰা অনুনয়ৰ সুৰ
- অকে, ভাল মানুহ কাৰনে মই তোক এৰি দিলো, বেলেগ হলে তোৰ দিগদাৰেই আছিল... মই কলো
- কিন্ত দাদা, প্লীজ নিকিৰ পিচা নকৰিব

আকৌ নিকি, নিকিৰ পিচা, কোন এই নিকি, চাল্লা লাইফত মাত্ৰ এজনী ছোৱালীৰ পিচা কৰিছিলো । তাকো কটনত হায়াৰ ছেকেন্ডাৰীত থাকোতে । তায়ো বিয়া হৈ বৰ্তমান অস্ত্ৰেলিয়াত চেটল কৰিছে ।

- কোন নিকি, কৰ নিকি, কাৰ নিকি, আৰু হু আৰ ইউ, মোৰ ফোন নং কেনেকে পালি.. মই খঙত কলো
- দাদা এক্সুৱেলি মোৰ নাম বিকি
- কোন বিকি বে, অলপ আগতে নিকি, এতিয়া বিকি, কি জেং বে
- বিকি মানে বিক্ৰমজিত বৰ্মন, কমাৰ্চত এম কম কৰি আছো, ফেচবুকত আপোনাৰ নাম্বাৰটো পালো, আৰু প্লীজ দাদা, নিকি মোৰ হয়, দুই বছৰ আমি ৰিলেচনচিপত আছো
- অকে দোস্ত, নিকি তোৰেই হয়, মুঝে কোই ইন্টাৰেষ্ট নহী হে, আৰু মোক ফোন নকৰিবি, অকে

আকৌ ফ্লেচবেকত চালো, ফেচবুকত মোৰ কোনোবা নিকি নামৰ ফ্ৰেন্ড আছে নেকি, নাই । নিকি নিকনেমো হব পাৰে । ন আখৰৰে যোৱা নয়না, নীলাঞ্জনা, নীহাৰিকা, নীলিমা..... নাই ....... কাৰোবাৰ লগত চাটিং কৰি ফ্লাৰটিং কৰিছো নেকি । নাই, যোৱা ছয়মাহ ধৰি কাকো ফ্ৰেন্ড ৰিকুৱেষ্টো পঠোৱা নাই.......হে ভগ্গু , গিভ মি এ ব্ৰেক
দুপৰীয়া দীৰুদাৰ কোৱাটাৰত গলো........ লান্স কৰিলো.......

ফেচবুক খুলি ললো....... চাৰ্চ কৰিলো...... বিক্ৰমজিত বৰ্মন....... বহুতকেইটা অপচন ওলাল
পাই গলো.... কমাৰ্চ কলেজ.. টু মিউচুৱেল ফ্ৰেন্ড

মক্কেলটোৰ প্ৰফাইলটো খুলিলো । বাইক এখনৰ ওপৰত চাল দি কভাৰ ফটো এখন, ফ্ৰেন্সকাট দাড়ি, কাণফুলিৰে য়ো টাইপৰ প্ৰফাইল পিকচাৰ । ৱালখন বাজে আপদেট, টেগ, চেয়াৰ কৰা ফটোৰে ভৰ্তি । পিকচাৰ ফল্ডাৰটো খুলিলো...... ধেৰ ফটো, ডিটেকটিভৰ নজৰদি চাই গলো ।

নটিফিকেচন এটা আহিল....... ফ্ৰেন্ড ৰিকুৱেষ্ট এটা আহিছে....... মৈত্ৰেয়ী পৰাশৰ.... ১০০০ ফ্ৰেন্ডৰ টাৰ্গেট কমপ্লিট হোৱাৰপৰা আজিকালি ফ্ৰেন্ড একচেপ্ট কৰাৰ আগতে প্ৰফাইল চাই লও, মৈত্ৰেয়ীৰ প্ৰফাইল খুলিলো..... ডিচেন্ট প্ৰফাইল পিকচাৰ....... খাৰঘুলিৰপৰা তোলা ব্ৰহ্মপুত্ৰৰ ফটো এখন কভাৰ ফটো, চেম কলেজৰ ফ্ৰেন্ড যথেষ্ঠ আছে, ফেমিলিও দিয়া আছে....... ফেক নহয়......

মৈত্ৰেয়ী ফটো এখন ভাল লাগিছে, চিকিমৰ ট্ৰেডিচনেল ড্ৰেচত, গেংটকৰ মনেষ্ট্ৰী এটা বেকগ্ৰাইন্ডত, ইতিমধ্যে ৫১২ টা লাইক, কমেন্টবোৰ চাই আছো,..... বিউটি, ফেব, অউচম, তামাম........ ভায়েক বা কাজিনৰ বা লগাই কমেন্ট.......
কিবা এটা অনুমান কৰি মম্মীলৈ ফোন কৰিলো....... বিকি-নিকিৰ কেচটো ক্লিয়াৰ হৈ গল ।

চিবচাগৰৰ এটা প্ৰকান্ড কোৱাটাৰত নিশব্দে টেনচন ফ্ৰী হৈ এইচ কৰি থকাটো বহুতো ৱেলউইচাৰে পচন্দ কৰা নাই আৰু সেয়েহে এটা উদঙীয়া বলধ গৰুক এৰাল দিয়াৰ চিন্তা-চৰ্চা কৰা হৈছে আৰু তাৰেই কনচিকুৱেন্সত উদঙীয়া বলধ গৰুটোৰ নেজৰ আগটো বিক্ৰম ওৰফে বিকি আৰু নিকি ওৰফে মৈত্ৰেয়ী পৰাশৰ নামৰ দুটা হমো চেপিয়েন্সৰ মাজত সোমাই পৰিছে ।
লেপটপৰ স্ক্ৰীণত মাউচৰ কাৰচাৰ টোৰ তলত নীলা ৰঙৰ ৰেচপন্ড টু ফ্ৰেইন্ড ৰিকুৱেষ্ট বুটামটো । ব্ৰেইন আৰু হাৰ্টৰ কম্বিনেচনৰ পৰা ওলোৱা স্নায়ু-তৰংগ এটা গতি কৰিলে তৰ্জনী আঙুলিটোৰ একেবাৰে শেষৰ স্নায়ুৰজ্জুডাললৈ ।