পেট্ৰল পাম্পত জেং

কোনো এংগেলৰপৰাই মই জেং কৰা মানুহ নহয় । কিন্ত মেৰে চাথ হি জেং কিউ হোতা হে । ১ আগষ্ট ২০১৫ , দিনত উত্তৰ গুৱাহাটী গলো । সুব্ৰত পালৰ ভৰি মোচোকা খাই পৰি আছে, জয়ন্তৰ চৰ্দি । জয়ন্তৰ ৰুমত থাকোতেই চন্দনদাই ফোন কৰিলে । পি.চি.চৰকাৰৰ যাদু শ্ব হৈ আছে বোলে মাছখোৱাত, যাম নেকি সুধিলে । ক্ৰিকেট মেচ বা আই.এছ.এল হলে বেলেগ আছিল, যাদু শ্বো যে চাব নোৱাৰি আৰু দেই । চন্দনদাক ন বুলি কলো ।

সন্ধিয়া উত্তৰ গুৱাহাটীৰপৰা ঘৰলৈ ৰিটাৰ্ন আহি আছো । গাড়ীখনৰ ফুৱেল-মিটাৰটো চালো , তিনিটা ব্লক আছে , পেট্ৰল ভৰাই থোৱাটো ভাল হব । বালাজীৰ ওচৰত পেট্ৰল পাম্প এটাত সোমালো ।

- পাচশ টকাৰ পেট্ৰল দিয়া......... মই পাম্পৰ কৰ্মচাৰীজনক কলো
কৰ্মচাৰীজনে মিটাৰটো ৫০০ ত চেট কৰি ফুৱেলিং নিপলটো টেংকৰ মুখত ভৰাই দিলে আৰু হাতেৰে ধৰি থাকিল । মই তেওৰ হাতত চকু দিলো । তেও মাজে মাজে নিপলটোৰ লিভাৰডাল অলপ প্ৰেচ কৰে, এৰি দিয়ে । এই কাৰবাৰটো চকুত পৰাত মই কলো
- ৫০০ টকা চোন চেট কৰাই আছে, তেন্তে সেইডাল কিয় টনা-টনি কৰিব লাগে

কৰ্মচাৰীজনে নিপলটোৰপৰা হাতখন এৰি দিলে । কিন্ত মই লক্ষ্য কৰিলো যে লিভাৰডাল বেকা হৈ আছে । টেনচন হৈ গল, তেল গৈছেনে নাই । তেল ভৰোৱা শেষ কৰাৰ পাছত কৰ্মচাৰীজনক পাচশটকীয়া নোট এখন দিলো ।

গাড়ীখন ষ্টাৰ্ট কৰি আচৰিত হলো । ফুৱেল-মিটাৰটো একেবাৰে বঢ়া নাই । লগে লগে পাম্পটোৰ কাউন্টাৰত কথাটো কলো ।
- এনেকুৱা প্ৰবলেম হয়েই কেতিয়াবা, আপুনি অলপ চলাই লওক, মিটাৰত আহি যাব......... কাউন্টাৰৰ মানুহজনে কলে
- ঠিক আছে, এটা চক্কৰ মাৰি আহো, যদি কাটা নুঠে আকৌ আহিম কিন্ত ....... মই কলো

গড়চুকৰ ফালে গৈ চক্কৰ এটা মাৰিলো । তেলৰ কাটা সামান্য উঠিছে কিন্ত ৫০০ টকাৰ ৭.৭ লিটাৰ পেট্ৰলৰ তুলনাত সেয়া নামমাত্ৰ । আকৌ পেট্ৰল পাম্পটো পালোগৈ । মেনেজাৰক লগ কৰি কথাটো জনালো । মেনেজাৰ কোনোপধ্যে মান্তি নহয় যে কম তেল গৈছে ।

মেনেজাৰে মোক কলে যে তেওৰ পাম্পৰ সকলো ঠিকেই আছে আৰু পাম্পৰ ফিলিং কৰা মিটাৰকেইটা মেনিপুলেট কৰিব নোৱাৰি ।
- মই আপোনাৰ মেচিন বা মিটাৰৰ কথা কবলৈ যোৱা নাই , মই কব খুজিছো যে যোৱা চাৰিবছৰ ধৰি মোৰ গাড়ীখন চলাই আছো আৰু মোৰ গাড়ীৰ ফুৱেল মিটাৰটো ১০০ শতাংশ ঠিকেই আছে আৰু ফুৱেল মিটাৰটোৰ মতে ৫০০ টকাতকৈ বহুত কম পেট্ৰল আপোনাৰ পাম্পৰপৰা মোৰ গাড়ীলৈ গৈছে আৰু মেটিনচ আৰ মেড বাই হিউমেন বিংচ এন ডেয়াৰ ইজ ন মেচিন ইন দা ৱৰ্লড দেট কেন নট বি মেনিপুলেটেড বাই হিউমেন বিং ............... মই কলো

তাৰপাছত মেনেজাৰজনে এক লিটাৰৰ টেমা এটাত পাম্পৰপৰা এক লিটাৰ তেল ভৰাই পাম্পৰ মিটাৰটো যে ঠিকেই আছে তাক দেখুৱালে । মেনেজাৰজনৰ চেহেৰাত এটা সন্টুষ্টিৰ হাহি দেখা গল ।
- ঠিক আছে , এই এক লিটাৰ মোৰ গাড়ীত ভৰাওক , লগতে আৰু এটা পাচ লিটাৰ ড্ৰামত জুখি মোৰ গাড়ীত ভৰাওক, মই পইচা দি আছো......... মই কলো

ড্ৰাম এটাত পাচ লিটাৰ জোখা হল । গাড়ীত ভৰোৱা হল , লগে লগে মই চাবি অন কৰিলো । চাবি অন কৰাৰ লগে লগে গাড়ীৰ ফুৱেল টেংক ইন্ডিকেটৰ তিনিটা ঘৰ বাঢ়ি গল ।
- এইয়া চাওক ৬ লিটাৰ পেট্ৰলত ভৰোৱাৰ লগে লগে কাটা তিনিটা ঘৰ বাঢ়ি গল , তাৰমানে মোৰ গাড়ীৰ কাটা ভালকৈ কাম কৰি আছে আৰু বৰ্তমান ফুৱেল ইন্ডিকেটৰত ৭টা ঘৰ আছে, পাম্পত সোমাৱাৰ আগতে তিনিটা ঘৰ আছিল, মানে বেক কেলকুলেট কৰি এইটো কব পাৰি যে পাছৰবাৰ ৬ লিটাৰ ভৰাওতে যিমান তেল ভৰিল , আগৰবাৰ ৭.৭ লিটাৰ ভৰাওতে তাৰ আধাতকৈও কম তেল ভৰোৱা হৈছিল ...... মই কলো
- কিন্ত মোৰ পাম্পৰ মিটাৰ পুৰা ঠিক আছে, কতো মেনিপুলেচন নাই, সেইটো মই দেখুৱালো দেখোন, এতিয়া ইহতে যদি কিবা মেনিপুলেট কৰিছে (কৰ্মচাৰীজনলৈ দেখুৱাই) তেতিয়া মই কব নোৱাৰিম ......... মেনেজাৰজনে কলে
উইক পইন্ট এটা পাই গলো ।
- তাৰমানে আপুনি স্বীকাৰ কৰিছে যে এওলোকৰগ্বাৰা মেনিপুলেচন সম্ভৱ, এই কথাটোৱেই মই আপোনাক ইমানপৰে কৈ আহিছো যে ফিলিং কৰা কৰ্মচাৰীজনৰ ওপৰত মোৰ সন্দেহ হৈছে যে তেল কমাই দিছে আৰু যিখিনি কমাই দিছে সেইখিনি মোক দিব লাগে............ মই কলো

মেনেজাৰজন অলপ থতমত খাই গল ।

- নাই , তেল ঠিকেই গৈছে, আপোনাৰ গাড়ীৰ কাটাৰ প্ৰবলেমো তো হব পাৰে ........ মেনেজাৰজনে কলে
ইতিমধ্যে মানুহ বহুত গোট খাইছিল । তৰ্ক গৈ উত্তপ্ত পৰিস্থিতিত পৰিনত হৈছিল ।
- কি বে, এইটো পাম্পত তেল কমাই দিয়ে নেকি ............ বাইকত তেল ভৰাব অহা মানুহ এজনে কাৰোবাক চিঞৰি সুধিলে

মেনেজাৰে কোনোপধ্যে মানি নলয় যে পাম্পত কিবা খেলিমেলি আছে । কাউন্টাৰৰ কৰ্মচাৰীজনেও কলে যে আজিলৈকে কোনেও কম্প্লেইন দিয়া নাই ।

- চাওক ডাঙৰীয়া, ৭.৭ লিটাৰ তেলৰ ০.৭ লিটাৰ মাৰি দিলে কোনেও গম নাপাব, কোনোবাই মিটাৰ চাই গম পাব নেকি কিন্ত মোৰ ক্ষেত্ৰত ৫ লিটাৰমান তেল কম হৈছে , সেয়ে মই ধৰিব পাৰিছো, আৰু তেল ভৰাইয়ে মই আপোনাক কৈছো , কৈছিলোনে নাই .................. মই কাউন্টাৰৰ কৰ্মচাৰীজনক সুধিলো

মানুহৰ জুমটো বাঢ়ি আহিছিল । মোৰ লগত আছিল মা । ইমানপৰে মায়ে কথাবোৰ শুনি আছিল । এইবাৰ মায়ে কলে.......
- চাওক আমি আপোনালেকৰ গ্ৰাহক । আমি যদি তেল নিকিনো আপোনালোকৰ ডিপোৰ কি হব , ডিপো বন্ধ বৈ গলে ইয়াৰ কৰ্মচাৰীসকলৰ কি হব , আজি তেল আমাক কমাই দিছে , আমি গম পাইছো কাৰনেহে ইয়াত আছো, এই যে আমি গম পালো যে এইটো ডিপোত তেল কমাই দিয়ে, এই কথাটো আমি আন দহজনক কম, সেই দহজনে আন দহজনক, এনেকৈ চলিলে এদিন আপোনালোকৰ ডিপো বন্ধ হৈ যাব । আৰু আমি তো এনেয়ে কোৱা নাই , আমাৰ হাততো প্ৰমান আছে । আমি প্ৰয়োজন হলে আপোনালোকৰ তেলৰ মেইন কোম্পানীত যাম আমাক ঠগা হৈছে বুলি ।

মেনেজাৰজন নিজৰ কেবিনলৈ সোমাই গৈছিল । মই পাছে পাছে গলো ।

- মই তো চব দেখুৱালো, আমাৰ পাম্পৰ চব ঠিকেই আছে, এতিয়া মই কি কৰিম কওক........... মেনেজাৰজনে কলে
- চাওক আপুনিতো দেখিলেই তিনিশ টকাৰ তেলত ফুৱেল-মিটাৰৰ কাটা উঠিল , ৫০০ টকাৰ তেলত কাটা উঠা নাছিল, ইয়াৰপৰা সাধাৰন মানুহ এজনে কি ইন্টাৰপ্ৰীট কৰিব , সেইটোৱেই মোৰ প্ৰশ্ন ............. মই কলো

মই মেনেজাৰৰ ৰুমৰ পৰা ওলাই আহিলো ।

- বল মা, গড়চুক থানালৈ যাও, সদ্যহতে এফ.আই.আৰ. এখন দি আহো, বাকী পাছত দেখা যাব ............ মই মাক কলো
যুদ্ধংদেহি মনোভাৱেৰে গাড়ীখন ষ্টাৰ্ট কৰিবলৈ লৈছো । এনেতে কাউন্টাৰৰ কৰ্মচাৰীজনে কলে................ হব দিয়ক , পাচশ টকাৰ তেল ভৰাই লওক

পেট্ৰল পাম্পৰ কৰ্মচাৰীজনে ৭.৭ লিটাৰ কম্প্লিমেন্টৰী তেল ভৰাই দিলে । মোৰ গাড়ীখনৰ ফুৱেল টেংকৰ কাটা আৰু তিনিঘৰ বাঢ়ি গল ।