ৰনদীপ- প্ৰজাপতি

প্ৰজাপতিয়ে ৰনদীপক বাহ দিবলৈ চেষ্টা কিয় কৰে । তাৰো এটা কাৰন আছে । কাৰনটোৰ বিষয়ে জানিবলৈ আমি কেইবছৰমান পিছুৱাই যাব লাগিব ।

প্ৰজাপতিয়ে তেতিয়া নতুনকৈ জইন কৰিছে । নতুন চাকৰি, ঢেৰ চাৰা সপোন । তাৰে এটা সপোন আছিল যে গুৱাহাটী-চিবচাগৰ অহাযোৱা কৰোতে এদিন নহয় এদিন তাৰ কাষৰ চিটটোত এজনী ধুনীয়া ছোৱালী বহিব আৰু সি ছোৱালীজনীক পতাই পেলাব । সেয়ে সি সদায় বাছৰ ডবল চিটৰ ফালে টিকট কাটে ।

প্ৰথম দহ-বাৰবাৰ তাৰ সপোন পুৰা নহল । কিন্ত তেৰনম্বৰ বাৰ তাৰ কপাল ফুলিল । গুৱাহাটীত পুজা চাই সি চিবচাগৰলৈ উভটিছে । তাৰ চিটৰ নম্বৰ বাৰ । সি আই.এছ.বিটিত এ,এছ.টিচিৰ বাছত উঠি খিড়ীকিৰ চিটটো অকুপাই কৰি ললে । কানত হেডফোন লগাবলৈ লওতেই মিঠা মাত এটা তাৰ কাণত পৰিল ।

- এক্সকিউজ মি, এইটো ১১ নম্বৰ চিট হয়নে

প্ৰজাপতিয়ে ঘুৰি চাই দেখিলে মিঠা মাতটোতকৈও ধুনীয়া ছোৱালী এজনীয়ে তাৰ ফালে চাই মিচিকিয়াই হাহি আছে ।
- অ হয় .......... প্ৰজাপতিয়েও হাহি এটা মাৰি কলে

প্ৰজাপতিয়ে চিটুৱেচনটো বিষয়ে ৰনদীপক চৰ্ট মেচেজ কৰি দিলে । ৰনদীপে লগে লগে তাক টিপচ কেইটামান দি দিলে । টিপছকেইটা পাই সি সাউতকৈ বাছৰ বাহিৰ ওলাই বস্ত কেইটামান কিনি ললে ।

বাছ চলিবলৈ আৰম্ভ কৰিলে । খানাপাৰা পাও পাও হওতেই প্ৰজাপতিয়ে মুখ মেলিলে
- এক্সিউজ মি
- ও ........... ছোৱালীজনীয়ে তাৰফালে চালে
- মানে আপোনাৰ যদি অসুবিধা হৈছে আপুনি মোৰ চিটটোত বহিব পাৰে
- মানে
- ধুনীয়া ছোৱালীবোৰৰ সাধাৰনতে ভমিটিঙৰ প্ৰবলেম হয়, চো উফ ইউ উইচ..... প্ৰজাপতিয়ে কলে

ছোৱালীজনীয়ে মিঠা হাহি এটা মাৰি অফাৰটো একচেপ্ট কৰি ললে ।

চিটটো ইন্টাৰচেঞ্জ হোৱাৰ পাছত প্ৰৰ্জাপতিয়ে কলে....... আই এম প্ৰজাপতি
- মই শ্যামলিমা, শ্যামলিমা বৰুৱা........ ছোৱালীজনীয়ে কলে

বাছখন ইতিমধ্যে যোৰাবাটৰ টাৰনিংবোৰ পাইছিলহি । টাৰ্নিংবোৰত শ্যামলীমা দুই এবাৰ প্ৰজাপতিৰফালে হাউলি পৰিল ।
- তুমি মানে আপুনি শিৱসাগৰ যাব নেকি..... প্ৰজাপতিয় কলে
- হয়, আৰু আপুনি মোক তুমি বুলি কলেই হল..... শ্যামলিমাই কলে
- মোকো তুমি তুমি বুলিয়েই কব পাৰা , ময়ো শিৱসাগৰ গৈ আছো , তাত চাকৰি কৰো ...... প্ৰজাপতিয়ে প্লীজেন্ট স্মাইল এটা দি দিলে

প্ৰজাপতিৰ দিল ধৰক ধৰক কৰিবলৈ ধৰিলে । ফিফটি পাৰচেন্ট কাম হলেই , ইন্ট্ৰো হল, ফ্ৰেইন্ডশ্বিপো হল, এতিয়া ফোন নং লৈ লৱ , ফেইচবুকৰ চাটিং কৰিব , মুঠতে পতাই পেলাব । শিৱসাগৰৰ যেতিয়া ডেটিঙো মাৰিব পাৰিব । সকলোতকৈ ডাঙৰ কথা শ্যামলীমা ৰনদীপৰ গাৰ্লফ্ৰেন্ডতকৈ ধুনীয়া । গতিকে এতিয়া ৰনদীপকো ডাউন দিব পাৰিব ।

প্ৰজাপতিয়ে ওপৰৰপৰা নিজৰ বেগটো নমাই চিপচৰ পেকেট এটা উলিয়ালে । পেকেটটো খুলি শ্যামলিমাৰ পিনে আগবঢ়াই কলে....... চিপচ খাবা নেকি
- অহ, আই লাভ চিপচ ......... শ্যামলিমাই চিপচৰ পেকেটটো লৈ কলে

বাচ এতিয়া আই লাভ চিপচৰ সলনি আই লাভ ইউটো উলিয়াব পাৰিলেই হল । ফোন নম্বৰটো বাছৰ পৰা নমাৰ সময়ত খুজিলেই হল । এতিয়া খুজিলে চিপ টাইপৰ দেখাব । প্ৰজাপতিয়ে শ্যামলিমাৰ লগত অইন কথা পতাত লাগিল ।
বাছ গৈ জখলাবন্ধাত ৰখিল । প্ৰজাপতিয়ে শ্যামলিমাৰ লগত নৰ্মেল হোটেলৰ সলনি ৰেষ্টোৰেন্ট বানজাৰাত সোমাল । শ্যামলিমাই প্ৰথমতে না কৰিছিল যদিও প্ৰজাপতিয়ে শ্যামলিমাক ধুনীয়া লান্সৰ ট্ৰিট এটা দি দিলে । প্ৰজাপতিয়ে অনুমান কৰিব পাৰিলে যে শ্যামলিমাৰ দিলত সি সোমাই পৰিছে ।

বাছ আকৌ চলিবলৈ লাগিল । দুপৰীয়া ভাত খোৱাৰ পাছত প্ৰজাপতিৰ টোপনি ধৰে । আজি সি ডিচিচন ললে , টোপনি কন্ট্ৰেল কৰিবই ।
- ভাতৰ পাছত মিঠা খাব লাগে, কুচ মিঠা হো যায়ে ........ ডেইৰি মিল্ক চিল্ক চকলেট এটা তাৰফালে আগবঢ়াই শ্যামলীমাই কলে

প্ৰজাপতিয়ে চকলেটটো ললে । তাৰ হাৰ্টবিট বাঢ়ি গল । লাইফত প্ৰথমবাৰৰ বাবে সি ছোৱালী এজনী পতাই পেলাইছে । ৰনদীপৰ গাৰ্লফ্ৰেন্ডতকৈও ধুনীয়া ছোৱালী এজনী পতাই পেলাইছে । বিগেষ্ট এচিভমেন্ট অৱ হিজ লাইফ । আনন্দতে প্ৰজাপতিয়ে চকুদুটা মুদি দিলে ।

প্ৰজাপতিৰ যেতিয়া চকু মেল খায় তেতিয়া বাছ ভটিয়াপাৰ হৈ শিৱসাগৰ টাউনত সোমাইছে । সোফালে চাই দেখে যে শ্যামলীমা চিটটোত নাই । অলপ পাছত সি গম পালে যে তাৰ মবাইল, মানিবেগ আৰু ওপৰৰ বেগটোৰ সৈতে লেপটপটোও নাই ।

প্ৰজাপতিয়ে এই কেচটো কাকো কোৱা নাছিল । কিন্ত এদিন পাৰ্টি এটাত ৰঙাপানীৰ প্ৰভাৱত সি কাহিনীটো ৰনদীপৰ আগত বতিয়াই দিলে আৰু ৰনদীপে তেল-মচলা সানি প্ৰজাপতিক চাইটত পপুলাৰ কৰি পেলালে । চাইটৰ ড্ৰিলিং ইনচাৰ্জৰপৰা কন্টিজেন্ট লেবাৰৰ মাজত প্ৰজাপতি ফেমাচ হৈ পৰিল । আনকি শ্বিফট বাছৰ ড্ৰাইভাৰ তথা দীৰুদাইও তাক তচল্লি-দিলাচা দিবলৈ ধৰিলে । প্ৰজাপতিৰ পৰা বেচেৰা-প্ৰজাপতি হৈ পৰিল ।

লাইফৰ এই কৰুৱাপন , ৰনদীপৰ বিট্ৰে প্ৰজাপতিয়ে দিলত পাত্থৰ ৰাখি সহিলে । কিন্ত সি এদিন ৰনদীপক বদলা লবই , সি কচম খাই থৈছে ।

সতৰ্কীকৰন-
প্ৰজাপতিৰ নিচিনা অৱস্থা আপোনাৰো হব পাৰে । বাছ-ট্ৰেইনত যিমানেই এট্ৰাকটিভ নহওক কিয়, অচিনাকী মানুহৰপৰা সাৱধান হওক ।