কটন কলেজ - ফাইল

হায়াৰ ছেকেন্ডাৰীৰ কথা । ২০০২ চন , নতুনকৈ কলেজৰ হাৱা লাগিছে । সেই হাৱাতেই লগৰ এটাৰ প্ৰেম হৈ গল । ছোৱালীজনী আমাৰ একে ক্লাছৰ । পাছে লগৰটো আছিল একেবাৰে লাজকুৰীয়া টাইপৰ । কটনত ক্লাছৰ বাবে এটা ডিপাৰ্টমেন্টৰপৰা আনটোলৈ যাব লাগে । সদায় সি ছোৱালীজনীৰ পাছে পাছে যায় কিন্ত হাই বুলি কব নোৱাৰে । তাৰ পাছত আমি তাক জেকাই জেকাই এদিন প্ৰপজ দিবলৈ পঠিয়াই দিলো । কটনৰ লাইব্ৰেৰীৰ চিৰিটোৰ কাষতে সি ছোৱালীজনীক প্ৰপজ দিলে । প্ৰপজ দি সি আমাৰ ওচৰলৈ আহিল ।

- কি হল .......... আমি সুধিলো
- তাইৰ বয়ফ্ৰেন্ড আছে হা........ সি কন্দনামুৱা হৈ কলে

তাৰ গ্লুমি চেহেৰা দেখি বেয়া লাগিল । তাক বহুত সান্ত্বনা দিলো । হোষ্টেলত থকা সুজয়ে তাক বুজালে যে বাছ, ট্ৰেইন আৰু ছোৱালীৰ কথা বেছি চিন্তা কৰি লাভ নাই , এখন গলে আৰু এখন আহিব ।

কিন্ত তাৰ পাছত সি বৰ আমন-জিমনকৈ থকা হল । কাকো নামাতে । তাৰ অৱস্থা দেখি বেয়া লাগিল । এদিন অফ পিৰিয়দত মেইন বিল্দিঙৰ ৰুম এটাত বহি আছো ।

- তোৰ কি হৈছে বে, চিল য়াৰ চিল ....... পংকজে কলে
- নাই একো হোৱা........ সি কলে
- চা দোস্ত, আমি তোৰ বন্ধু হয়, এটা কাম কৰো , তাইৰ বয়ফ্ৰেন্ডটোক পিটি দিও আৰু তাইৰপৰা দুৰত থাকিবলৈ ৱাৰ্ন কৰি দিও, তেতিয়া ৰাস্তা ক্লিয়াৰ.......... সুজয়ে ছাৰ্টৰ কলাৰটো কোচাই কোচাই কলে
- অ, আমি আছো, তাক এনেকে ধুলাই দিম যে, সি তাইৰ নামে পাহৰি যাব........ বিনোদে যোগ দিলে

তাৰপাছত অলপ ডিচকাচন হল । ডিচকাচনৰ সাৰমৰ্ম এয়ে যে তাইৰ বয়ফ্ৰেন্ডটোক তাইৰ আগতে সি থাপৰ কেইটামান লগাই প্ৰমান কৰিব যে সি আচলি মৰ্ড হয় যি তাইৰ বাবে দুনিয়া চে লৰি যাব পাৰে । যদি কিবা জেং হয় আমি তাৰ লগতে থাকিম আৰু তাইৰ বয়ফ্ৰেন্ডে কিবা তেৰি মেৰি কৰিলে পাচোটাই মিলি তাক ফালি দিম ।

লগৰ এজনীৰপৰা গম পালো যে তাইৰ বয়ফ্ৰেল্ডটোৰ নাম নবু , সি কমাৰ্চত পঢ়ে আৰু আজি আবেলি সিহতৰ ডেটিং আছে । লান্সৰ পাছৰপৰাই তাইক ফলো কৰিলো । লা্ষ্টৰ আগৰ ক্লাছটো তাই বাংক দি কাছাৰী ষ্টপেজৰফালে খোজ ললে ।

দোস্তিৰ খাতিৰত আমিও বাংক দিলো । তাই ১ নং চিটিবাছ এখনত উঠিল । তাইৰ পাছৰ বাছখনত আমিও উঠি দিলো । সুজয়ে বাছৰ দুৱাৰত ওলমি আগৰ বাছখনত তীক্ষ্ণ নজৰদি চাই গল ।
আমাৰ বাছ গৈ চানমাৰি ফ্লাইওভাৰত উঠিল । ফ্লাইঅভাৰখন শেষ হও হও অৱস্থাতে সুজয়ে চিগনেল দিলে । মানে তাই নামিল । আমিও নামি দিলো ।

- নবুৰ আজি নেমু বনাই দিম, আমাৰ কলেজৰ ছোৱালীক খেপ দিয়ে........ বিনোদে কলে
- বেছি নিপিটো দেই, চিৰিয়াছ হৈ গলে জেং হৈ যাব.......... মই কলো

তাই ৰাষ্টাটো পাৰ হৈ কমাৰ্চৰ অপজিতত থকা ৰেষ্টুৰেন্টখনৰ ফালে গল । আমিও ৰাষ্টাটো পাৰ হলো । তাইৰপৰা দহমিটাৰমান দুৰত পজিচন ললো । তেতিয়াৰ দিনত মাৰপিটৰ বাবে লৰা লৈ অহা কাৰবাৰটোৰ ফাইল লৈ অহা বুলি কোৱা হৈছিল । লাইফত মই প্ৰথমবাৰৰ বাবে ফাইল হৈ আহিছো । মনে মনে ভয় এটাও লাগিল ।

অলপ পাছত এক্স-এল চাইজৰ পাচ ফুট আঠ ইঞ্চি ওখ লৰা এটা তাইৰ ওচৰ পালেহি । তাই তাৰ লগত কাথা পতাত লাগিল ।
- লৰাটো আমাতকৈ অলপ ডাঙৰ হব নেকি......... সি কলে
- চিন্তা নকৰিবি, আমি আছো, বি এ মেন, মেন হ মেন... সুজয়ে কলে

সি সিহতৰ ফালে আগুৱাই গল । সুজয় , বিনোদ আৰু পংকজ তাৰ পাছে পাছে গল । মই ইন দা মিনটাইম ৰাজগঢ়ৰ বাইলেনেৰে পলোৱাৰ প্লেন এটা বনাই ললো । আখিৰ জান হে তো জাহান হে ।

সি , সুজয়, বিনোদ আৰু পংকজ সিহতৰ ওচৰ পালেগৈ । মই চাৰি মিটাৰমান পাছত আছো ।
- আপনাৰ নামেই নবু নেকি......... সি কঠোৰ মাতেৰে সুধিলে
- অ , কিয় কি হল........... নবুই কলে

নবুৰ পাছফালে কমাৰ্চৰ ইউনিফৰ্ম পিন্ধা লৰাৰ গ্ৰুপ এটা আছিল । হঠাত গ্ৰুপটোৰ কনচেনট্ৰেচন এইফালে বাঢ়ি গল । ভায়েলেন্সৰ অনুমান কৰি মই অটো এখনৰ পাছত লুকাই দিলো ।

- আপনাৰ নাম শুনি থাকো, ইউ আৰ লাকী, এইক কিন্ত সদাই সুখত ৰাখিব........... এইবুলি কৈ সি চানমাৰী ব্ৰিজৰ ফালে বেগাবেগিকৈ খোজ ললে

কি হল একো ধৰিব নোৱাৰি সুজয়, বিনোদ আৰু পংকজেও তাৰ পাছে খোজ ললে । মইও অটোৰ আৰৰ পৰা বাহিৰ ওলালো ।
- এইকেইটা কৰ নমুনা আছিল বে........ নবুই তাইক সুধিলে
- মোৰ কলেজৰে হয়........ তাই হাহি হাহি কলে
- ফিল্মি টাইপৰ ফক্কৰ চোন একেবাৰে...... নবুই কলে

মই সিহতে নেদেখাকৈ চানমাৰী ব্ৰিজৰ ফালে আগবাঢ়িলো । ব্ৰীজৰ সিটো মুৰত তাক আৰু লগৰকেইটাক লগ পালো ।
- কি হল, একো নকৰিলি যে, তাক ফালিম ফালিম বুলি ভাবি আছিলো......... মই অলপ মাতটো গহীন কৰি তাক সুধিলো
- নাই ভাই, আপী এটাৰ কাৰনে হাড়া ভাঙিবা নৰি আৰু........ সি উত্তৰ দিলে

( ফেচবুকত সেই ছোৱালীজনীৰ প্ৰফাইলটো দেখি কেচটো মনত পৰি গল)