ৰনদীপ - ফায়াৰবল

( আগকথা- এইবাৰ ফৰটিন ডেইজত দীৰুদা চাইটলৈ কিয় যোৱা নাই আৰু ৰনদীপৰপৰা কিয় পলাই ফুৰিছে তাৰ ওপৰত ডি.এছ,এৰ ডাইনিং টেবুলত ইভল্ভ হোৱা এইটো এটা অনুসৈদ্ধান্তিক কাহিনী । ইয়াৰ চাপৰ্টত এতিয়ালৈ একো প্ৰমান পোৱা নাই কিন্ত এইটোৱেই ডি.এচ.এত এতিয়ালৈ মষ্ট একচেপটেবল ষ্টৰী । কিবা ভুল-ভ্ৰান্তি হলে ৰাইজে মাফ কৰি দিয়ে যেন )

ৰনদীপ এইকেইদিন পুৰা ফায়াৰ হৈ আছে । ৰনদীপ ফায়াৰ হৈ থকা বুলি জানি দীৰুদা বোলে এইকেইদিন ডিউটি যোৱা নাই । এই কেচটোৰ মজা লৈ আছে প্ৰজাপতিয়ে, সি ৰনদীপৰপৰা পলাই ফুৰা দীৰুদাক বোলে বিল মে চুপা চুহা আখ্যা দিছে ।

আচলতে যোৱা সপ্তাহত দীৰুদাই ফিউচাৰ ৱাইফৰ লগত গুৱাহাটীৰ পৰা নগাও বাইপাছৰ ফালে লং ড্ৰাইভত গৈ আছিল । মৌচম হাচি, চফৰ চুহানা, চব ধুনিয়া হৈ আছিল । জেং লগালে প্ৰজাপতিয়ে । ড্ৰাইভ কৰি থাকোতেই প্ৰজাপতিয়ে ফোন কৰিলে । ফোনটো ধৰিবলৈ দীৰুদাই গাড়ীখন চাইড কৰিলে আৰু পকেটৰপৰা ফোনটো উলিয়াবলৈ লওতেই সৰু টেমা এটাও ওলাই আহিল । দীৰুদাই কিবা কৰিবলৈ পোৱাৰ আগতেই ফিউচাৰ ৱাইফে টেমাটো হাতত ললে । টেমাটোৰ দুয়োফালে দুখন ঢাকোন । প্ৰথম ঢাকোনখন খুলি ফিউচাৰ ৱাইফে বগা বস্ত এটা দেখিবলৈ পালে ।

তাৰ পাছত দ্বিতীয় ঢাকোনখন খুলি ফিউচাৰ ৱাইফে চিঞৰি উঠিল
- আপুনি চাধাও খায় নেকি

ফিউচাৰ ৱাইফৰ খঙাল ফেচিয়েল এক্সপ্ৰেচন দেখি দীৰুদাৰ ভয় লাগি গল । বিয়াৰ আগতেই ডাইভৰ্চ নহয়তো ।
- নাই মানে........... দীৰুদাই সেমেনা-সেমেনিকৈ কলে
- কি নাই মানে , চাধা খায়, আপোনাক ইমান ল কেটেগৰীৰ বুলি ভৱা নাছিলো । আজিৰেপৰা...
- মিচআন্ডাৰষ্টেন্ড নকৰিবা ডাৰলিং, এইটো মোৰ নহয়, লগৰ এটাৰহে
- কোন লগৰ এটাৰ

দীৰুদাই পটককে প্ৰজাপতিৰ নামটো কৈ কলে....... চোৱাচোন, কালি সি ভুলতে চাধাৰ টেমাটো এৰি গৈছিল, আজি সেয়ে ফোন কৰিছে

মবাইল স্ক্ৰীনত নাম্বাৰ এটা ৰিং হৈ আছিল......... প্ৰজা-ড্ৰিলাৰ

দীৰুদাই ফোনটো ৰিচিভ কৰি কলে........ অই প্ৰজাপতি, নিজৰ বস্তবোৰ ভালদৰে থবিচোন, যতে ততে পেলাই থৱ
- কি বস্ত বে....... প্ৰজাপতিয়ে একো বুজিব নোৱাৰি কলে
- কালি যে চাধাৰ টেমাটো, হে হে, মোৰ তাতে এৰি গলি, মই পাই তোক দিবলৈ জেপত ভৰাই থৈছিলো, বৌৱেৰে পাই গল নহল, অলপ মিছ আন্ডাৰষ্টেন্ড কৰি আছে এতিয়া...... দীৰুদাই যিমান পাৰি নৰম সুৰত কলে
- আপুনি চাল্লা, বুজি পাইছো দিয়ক, এতিয়া কি কৰিব লাগে মই...... প্ৰজাপতিয়ে কলে
- বৌৱেৰক বুজাই কচোন চাধা টেমাটোৰ বিষয়ে
- অকে দিয়ক

দীৰুদাই ফোনটো ফিউচাৰ ৱাইফক দি কলে... ডাৰলিং লোৱা, প্ৰজাপতিয়ে কিবা কব তোমাক
- অ বৌ গুড ইভিনিং , এক্সুৱেলি কালি টেমাটো মই এৰি থৈ আহিছিলো, দীৰুদাই এইচব হাতেই নিদিয়ে.... প্ৰজাপতিয়ে কলে

তাৰ পাছত......
তাৰ পাছত দীৰুদাৰ ফিউচাৰ ৱাইফে পুৰা আধাধন্টা প্ৰজাপতিৰ ক্লাছ ললে । টবেকু , নিকটিন, লাং কেনছাৰ ইত্যাদি । বেচেৰা প্ৰজাপতিয়ে হয়, আজিৰপৰা নাখাও, বাদ দিম ইত্যাদি কৈ থাকিল ।

এতিয়া কথা হল, ৰনদীপ কৰপৰা আহিল । প্ৰজাপতিৰ কৃপাত ৰনদীপ বেচেৰা যেতিয়াই-তেতিয়াই, যতে-ততে বিনা দোষত ফচি যায় ।
কথাৰ মাজতে প্ৰজাপতিয়ে পিঙাই দিলে যে ৰনদীপ নামৰ চাধাহলিক, চিগাৰফুকিক আৰু খৈনী এক্সপাৰ্ট এটাই দীৰুদাক চাইটত এইবোৰৰ এডিকটেদ কৰাৰ চেষ্টা চলাই থাকে ।

প্ৰজাপতিক ডজ কমপ্লিট কৰি ফিউচাৰ ৱাইফে দীৰুদাক সুধিলে.... এই ৰনদীপ কোন হয়
- মোৰ চাইটৰ, ড্ৰিলাৰ এজন..... দীৰুদাই মবাইলত ৰনদীপৰ ফটো এখন দেখুৱালে
- মই ভাবিছিলোৱেই , দেখাতেই ইয়াক ধুৰ বদমাইচ যেন লাগে........ ফিউচাৰ ৱাইফে কলে
- মানে.... দীৰুদাই ভয়ে ভয়ে সুধিলে
- মানে ইয়াৰ ফোনটো লগোৱা........ ফিউচাৰ ৱাইফে কলে

ভিতৰুৱা খবৰমতে তাৰ পাছত ৰনদীপক এটা শব্দও কবলৈ নিদিলাকৈ দীৰুদাৰ ফিউচাৰ ৱাইফে ৰনদীপক থেতেলি দিলে আৰু আলটিমেটম দি কলে যে সি যদি আৰু দীৰুদাক বেয়া অভ্যাসবোৰ শিকায় তেনেহলে কথা বিষম হব ।
তেতিয়াৰেপৰা বোলে ৰনদীপ একেবাৰে ফায়াৰ হৈ আছে ।

বি.দ্ৰ.
ৰনদীপ প্ৰকৃততে যথেষ্ট নিৰ্জু, নম্ৰ, ভদ্ৰ আৰু অমায়িক । প্ৰজা আৰু দীৰুদাই তাক যতে-ততে বাহ দি থাকে । এইকেইদিন ফায়াৰ হৈ থকা স্বত্তেও চচিয়েলি হি এজ এক্টিং লাইক এ জেন্টলমেন ।
( কিবা ভুল ভ্ৰান্তি হলে ৰাইজে মাফ কৰে যেন )