এৰেঞ্জ মেৰেজ- অচিন্ত্যদাৰ ইফৰ্ট

- তোমালৈ ছোৱালী এজনী চাইচো .......... অচিন্ত্যদাই ফেচবুকত মেচেজ এটা দিলে
- অকে, বঢ়িয়া, কোন কৰ কত , ডিটেইলছ......... মই ৰিপ্লাই দিলো
- ডিটেইলছ বাৰু পাই যাবা, তোমাৰ ডিটেইলছ অলপ দিয়াচোন
- মোকতো আপুনি জানেই
- হলেও, পৰ্টপলিও এটা দিয়াচোন
অচিন্ত্যদাক পুৰা ডিটেইলছত দি দিলো । পুৰাপুৰি চাৰি পৃষ্ঠাৰ চিভি ।
- ইমান দীঘল........ অচিন্ত্যদাই মেচেজ দিলে
- আৰু দুটামান ইম্পৰটেন্ট কথা থাকি গল
- কি
- মানে কন্ত্ৰভাৰচেল বাট চিগনিফিকেন্ট । আখিৰ বহত চাৰী জিন্দেগীৱো কা চৱাল হে । বটমলাইন ইজ..........আফটাৰ মেৰেজ, ৱাইফে চাকৰি কৰিবলৈ নেপাব,
(যিহেতু মোৰ ট্ৰান্সফাৰেবল জব, পাচ বছৰীয়া ইন্সটলমেন্টত ভাৰতৰ ডিফাৰেন্ট জনত ঘুৰিব লাগিব, পাছলৈ লৰা-ছোৱালী ডাঙৰ-দীঘল কৰাৰ কথাও আছে)

ছেকেন্ডলি টকা-পইচা যিমান পাও তাতেই সন্টুষ্ট, মোৰ বহুত হাই-ড্ৰীম নাই, মই একদম চৌখিন, এম্বিচিয়াছ জাতীয় নহয়, চো লাইফ পাৰ্টনাৰও তেনেকুৱা হোৱাটো হলে ভাল হয় ।

তৃতীয়তে ভৱিয্যতে যতেই ট্ৰান্সফাৰ নহও কিয়, আন্দাৰ অল চাৰকামষ্টেনচেচ মা-দেউতাক লগত ৰখাৰ সম্ভাৱনা আছে, গতিকে ভৱিষ্যতে ৱাইফে শাহু-শহুৰৰ সৈতে থাকিবলৈ ইচ্ছুক হব লাগিব ।

বি.দ্ৰ. বৰ্তমানৰ প্লেন.... মাটি এডোখৰ কিনিম (গুৱাহাটীৰ আশে পাশে) , তাৰ পাছত বেংকৰ লোন লৈ ঘৰ এটা ষ্টাৰ্ট কৰিম, তাৰ পাছত বিয়া, টাৰ্গেট - ২০১৬ ৰ মাজভাগলৈ লৈছো । এইকেইটা ঠিক চৰ্ত নহয়, আগলৈ সুখে শান্তিৰে হেডেক ফ্ৰী হৈ আৰামত থকাৰ - এ স্মল প্ৰিকউচন.............. মই অচিন্ত্যদালৈ মেচেজ দিলো

- চৰ্তকেইটা ভালেই দেখিছো, পিছে এইকেইটাত উপস্থাপনৰ ক্ষেত্রত আমি , মানে কোনো তৃতীয় পক্ষ মাজত সোমোৱাৰ কথা নাহে। কন্যাৰ সৈত্যে মূখামূখি হোৱাৰ সময় আহিলে এইখিনি (লগতে আৰু কিবা ক'ব লগা থাকিলেও একেলগ কৰি) নিজে কোৱাটোহে উচিত হ'ব। এটা কথা ঠিক যে ওপৰৱালাই কেতিয়াও এশ শতাংশ মনোকামনা পূৰ্ণ হোৱাকৈ যোৰা অহা কুণ্ডলী নিলিখে, কেই শতাংশমান এৰা ধৰা, কেই শতাংশমান বুজা পৰা আৰু কেই শতাংশমান পৰিস্থিতিসাপেক্ষে ঠিক কৰি ল'বলৈ তেওঁ মানুহলৈ বাকী কৰি ৰাখেই। তথাপি কেই শতাংশমান বাকী থাকি যায়গেই। যোৰা এটা সফল হ'বলৈ পতি পত্নীৰ মাজত প্রেমেই আচল কথা, প্রেমত ভেজা দি বাকীখিনি আগবাঢ়ে। পৰিস্থিতি আৰু চৰ্ত সময়সাপেক্ষে পৰিবৰ্তনশীল। গতিকে এই বিষয়ে আগতীয়াকৈ ক'বলৈ গৈ মই নিজকে যোৰা এটাৰ ইনবিল্ট শত্রুপক্ষলৈ ৰূপান্তৰিত কৰিব নোখোজো। তাতে এই কন্যা মোৰ বাবেও একেবাৰেই অপৰিচিত বুলিব পাৰি...... অচিন্ত্যদাই মেচেজ দিলে

- অচিন্ত্য দা, মিচআন্ডাৰষ্টেন্ড নকৰে যেন, এইকেইটা ফিলিং জাষ্ট আপোনাৰ জ্ঞাতাৰ্থে ডাঙি ধৰিছিলো । আপুনি কেৱল সিটোপক্ষত কথাই কথাই ১ নং টো জনাই দিলেই হল যে ....পাত্ৰ অমুক, অমুক কৰে, এনেকুৱা (অলপ গুণ-চুনৰ লগত দোষও গাব ) , পাত্ৰৰ ঘৰে চাকৰিয়াল বোৱাৰী নিবিচাৰে , ইত্যাদি । বাকীকেইটা টো ১ নং টোৰ কনচিকুৱেন্স । আজিৰ তাৰিখত পঢ়া-শুনা কৰাৰ পাছত প্ৰায় সকলোৱে চাকৰি কৰিব বিচাৰে, কেৰিয়াৰত মন দি স্বাবলম্বী হব বিচাৰে, সেইটো টো জনা কথাই । তাৰ মাজতো যদি কোনোবা ওলায় যিয়ে ঘৰ ধৰিব বিচাৰে,...... মইও জানো যে ইট ইজ ভেৰি ডিফিকাল্ট টু ফাইন্ড চাচ গাৰ্ল :( তথাপিও যদি ডেয়াৰ ইজ চামৱান হু থিংকচ লাইক মি.....জাষ্ট এ ফিলিং :D............... মই টাইপ কৰিলো

- মিছআণ্ডাৰষ্টেণ্ডৰ কথা মোৰ লগত নাই । আচলতে তুমি কোৱা কথাটো শুদ্ধ আৰু গোটেইকেইটা চর্তই মোৰো প্রিয় । পিছে পঢ়া শুনা ছোৱালী বিচাৰিলে ১নং চর্ত পালন কৰাত অলপ অসুবিধা আহে । ইপিনে একেবাৰে চাকৰি পোৱাৰ অনুপযুক্ত এজনীয়ে বাকীকেইটা চর্ত পালন কৰিব পাৰিব বুলিও গেৰাণ্টি নাই । তদুপৰি জীৱন কচু পাতৰ পানী বুলিও ভবিষ্যতৰ চিন্তা নকৰিলেও অন্ততঃ সন্তানৰ পঢ়া শুনাৰ দায়িত্বৰ বাবেও মাকজনী অলপ শিক্ষিত হোৱা দৰকাৰ । ........বাৰু কি হয় দেখা যাওকচোন ......... অচিন্ত্যদাই মেচেজ দিলে

"বাৰু কি হয় দেখা যাওকচোনৰ" দুবছৰ পাৰ হৈ গল । কিন্ত আজিলৈকে অচিন্ত্যদাই দিব বুলি ভৱা মেচেজটো মোৰ ইনবক্সত দেখা নগল ।